Ассалому алайкум, азиз дўстлар.
Сиздан рухсат сўрамай бир ишни бошлаб қўйдик.
Қадрдон дўстим, иқтидорли режиссёр Сарвар Каримовнинг ташаббуси ва ғояси билан ишчи номи “Xushnudbek news” бўлган лойиҳанинг 1-сонини суратга олдик.
Мақсадимиз юртимиз ва жаҳонда рўй бераётган энг муҳим янгиликлар, хабарлар, айниқса ҳуқуқий ўзгаришлар ҳақида муаллифлик фикрини бериб бориш.
Ҳазил-ҳазил билан бошладигу, осон кўринган иш учун 2 кунлик дам олиш кунимизни сарфлаб қўйдик. Лекин Худога шукур, кимгадир уялмасдан кўрсатса бўладиган бир нарса тайёрладик ҳар ҳолда.
Марҳамат, кўринг, фикрларингиз билан ўртоқлашинг. Сизнинг фикрингиз, керак бўлса танқидингиз биз учун муҳим.
Танқидни ўзим бошлаб берсам: видео бироз чўзилиб кетган, кейинги сонларда қисқартиришимиз керак.
* * * * *
1-сонда ОТМларга ажратилиши кутилаётган қўшимча квоталар ҳақида сўз юритилган. Бунда қуйидаги саволлар бўйича фикр юритилган.
– 68 баллдан оширган барча абитуриентлар талаба бўладими?
– Оширилган қўшимча контракт нархи қанча бўлади?
– Барча ОТМга қўшимча ўрин ажратиладими?
– Агар кўпчилик ўқишни хоҳласа, лекин жой кам бўлса, унда нима бўлади?
– Бу янгилик туфайли энди ОТМларда билимсизлар кўпаядими?
– MY5 телеканалининг шу мавзуга бағишланган кўрсатуви ҳақида фикр ва телеканал ходимларига илтимоснома.
Facebook ижтимоий тармоғидаги саҳифам орқали томоша қилиш:
MyTube тармоғида томоша қилиш (TAS-IX):
YouTube тармоғида томоша қилиш:
Assalomu alaykum Xushnidbek aka loyha yaxshi bo‘pti man yana bu ko‘rsatuvda hoxlardimki ko‘proq yoshlarni ishga joylashishi va ishga joylashgandan keyin va ishdan boshagandan keyingi mehnat huquqlari to‘g‘risida ko‘proq ma’lumotlar bersangiz chunki ko‘p hollarda yoshlarning xattoki kattalarning ham ijtimoiy huquq va erkinliklari qo‘pol ravishda buzilmoqda buni hayotiy jarayonlarda guvohi bo‘lyapmiz. Ayrim tadbirkorlar o‘ziga davlat tomonidan berilgan imkoniyatlarni suiste’mol qilishmoqda xohlagan vaqtda ishga olib xohlagan vaqtda ehtirosga berilib ishdan boshatish holatlari uchrab turibdi ikki o‘rtada ko‘pchilik yoshlar bunday holatga o‘rganib ham qolishdi ularning huquqlari buzilganini ham bilishmaydi bilgan taqdirda ham hattoki manga nima zarl deb bepisandlik bilan ketishmoqda. Bu masalaga jiddiyroq yondashilmasa ertaga bu yoshlar ham katta bo‘lganda shulardan o‘rnak oladi.
Mani fikrim bo‘yicha ustoz shogird ananalariga rioya qilinsa hamma joyda qobilyati bor yoshlar o‘z ishini usatsi bo‘lib yetishadi. Bu bilan qolganlar qobilyatsiz deb bo‘lmaydi ularga ham individual yondashib o‘ziga qarab yonalish berish kerak, yordam berish lozim.