Xushnudbek.uz

ДАВЛАТ ГЕРБИ – давлатнинг расмий аломати ҳисобланадиган фарқловчи белги. Д.г. байроқлар, пул белгилари, муҳрлар ва айрим расмий ҳужжатларда акс эттирилади; Д.г.нинг мазмуни конс. ёки махсус қонун б-н белгиланади. 1992 й.нинг 2 июлида Ўзбекистоннинг “Давлат герби тўғрисида”ги қонун қабул қилинган. Гербимиз марказида қанотларини кенг ёйиб турган Ҳумо қуши тасвирланган. Бу бахт-саодат ва эрксеварлик рамзидир. Ҳумо қуши ўзбек халқи орасида одамларни бахт-саодатга етказувчи илоҳий қушнинг рамзи сифатида эъзозланиб келган. Д.г.нинг юқори қисмида Ўзбекистоннинг барқарорлиги рамзи бўлган 8 қиррали юлдуз тасвирланган бўлиб, унинг ... Батафсил »

ДАВЛАТ ВЕТЕРИНАРИЯ НАЗОРАТИ – ЎзР Давлат ветеринария хизмати бошқарув идоралари, муассасалари ва ташкилотларининг ҳайвонлар касалликларининг, ветеринария қонунлари бузилишининг олдини олиш, аниқлаш ва тўхтатиш орқали ҳайвонот маҳсулотларининг ветеринар жиҳатдан хавфсизлигини таъминлашга хизмат қиладиган фаолияти. Ветеринария – ҳайвонларни касалликлардан муҳофаза қилиш ҳамда уларни даволаш, ишлаб чиқариш ва аҳолининг юқори сифатли чорвачилик маҳсулотларига бўлган эҳтиёжларини қондириш, одамларнинг ҳайвонга ҳам, инсонга ҳам хос касалликларга чалинишининг олдини олиш, шунингдек, табиий атроф муҳитни муҳофаза қилишнинг ветеринария–санитария муаммоларини ҳал этишга доир давлат, жамоат, хўжалик ва махсус ветеринария ... Батафсил »

ДАВЛАТ ВАЗИРИ – 1. Норвегияда ҳукумат бошлиғининг номи. 2. Японияда лавозимсиз вазирнинг номи. 3. Буюк Британия вазирликлари тузилмасида вазирлар ўринбосарлари ва йирик бўлинмалар раҳбарларининг номи. (муал. – Ш.Абдуқодиров) Батафсил »

ДАВЛАТ ВА МУНИЦИПАЛ КОРХОНАЛАРНИ ХУСУСИЙЛАШТИРИШ – ЎзРнинг “Давлат тасарруфидан чиқариш ва хусусийлаштириш тўғрисида”ги Қонуни б-н тартибга солинади. Унга кўра, хусусийлаштириш жисмоний шахсларнинг ва давлатга тааллуқли бўлмаган юридик шахсларнинг оммавий мулк (яъни, давлат мулки) объектларини ёки давлат акцияли жамиятларининг акцияларини давлатдан сотиб олишидир. ЎзР оммавий мулки объектлари тўлиқ равишда ёки қисман давлат тасарруфидан чиқарилади ва хусусийлаштирилади. Пул муомаласи соҳасида хизмат кўрсатувчи давлат муассасалари, пул белгиларини, давлат хазина билетларини, акциялар, облигациялар ва б. қимматли қоғозларни, орденлар, медаллар ва почта тўлови белгиларини чиқаришни ... Батафсил »

ДАВЛАТ БЮДЖЕТИНИНГ ҒАЗНА ИЖРОСИ – давлат бюджетининг барча даромадларини ягона ғазна ҳисобварағига киритишдан, шунингдек, давлат бюджетининг харажатларини шу ҳисобварақдан тўлашдан иборат. Давлат бюджетини ижро этишда бюджетнинг ғазна ижроси, яъни пул маблағларини қабул қилиш, сақлаш ва бюджетдан ажратиладиган маблағларни олувчиларига бериш катта роль ўйнайди. “Бюджет тизими тўғрисида”ги қонуннинг 3-м.га мувофиқ Марказий банкнинг асосий вазифаларидан бири ЎзР Молия вазирилиги б-н ҳамкорликда давлат бюджетининг касса ижросини ташкил этишдан иборат. (муал. – Л.Хван) Батафсил »

ДАВЛАТ БЮДЖЕТИНИ ИЖРО ЭТИШ – унинг даромад қисмида режалаштирилган тўловларнинг ҳар бир манба бўйича ўз вақтида ва тўлиқ келиб тушишини таъминлаш, шунингдек, унинг харажат қисмида кўзда тутилган барча тадбирларни узлуксиз молиялаш. Бюджет тизими тўғрисидаги қонунга мувофиқ Давлат бюджети ва унинг тузилмасига кирувчи бюджетларни ижро этиш ЎзР Вазирлар Маҳкамаси, Қорақалпоғистон Республикаси Вазирлар Кенгаши, жойлардаги ижро органлари ва Молия вазирлиги ваколатига киради. (муал. – Л.Хван) Батафсил »

ДАВЛАТ БЮДЖЕТИ – давлат пул маблағларининг (шу жумладан, давлат мақсадли жамғармалари маблағларининг) марказлаштирилган жамғармаси. Унда даромадлар манбалари ва тушумлар миқдори, шунингдек, молия й. мобайнида аниқ мақсадлар учун ажратиладиган маблағлар сарфи йўналишлари ва миқдори назарда тутилади. Д.б.: республика бюджетини, Қорақалпоғистон Республикаси бюджетини ва маҳаллий бюджетларни ўз ичига олади. Давлат бюджети таркибида давлат мақсадли жамғармалари жамланади. Қорақалпоғистон Республикаси бюджети Қорақалпоғистон Республикасининг республика бюджетини ҳамда республикага (Қорақалпоғистон) бўйсунувчи туманлар ва ш.лар бюджетларини ўз ичига олади. Вилоятнинг бюджети вилоят бюджетини, вилоятга бўйсунувчи туманлар ва ... Батафсил »

ДАВЛАТ БУЮРТМА ҚЎРИҚХОНАЛАРИ (заказниклар) – табиий мажмуаларни ёки уларнинг айрим бўлакларини асраш, кучайтириш ва тиклаш мақсадида зарур муддатга ажратиб қўйилган ҳудудлар (акваторийлар). Заказниклар алоҳида қимматга эга бўлган табиий ландшафтлар ва мажмуаларни асраш ва тиклаш учун мўлжалланган; қимматли, нодир ва йўқолиб бораётган ўсимликлар ва жониворлар турларини асраб қолиш ва тиклаш учун мўлжалланган биологик; жонсиз табиатнинг қимматли объектлари ва мажмуаларини асраб қолиш учун мўлжалланган гидрологик (ботқоқ, кўл, дарё); табиат яратган нодир ва ноёб рельеф шаклларини асраб қолиш учун мўлжалланган геоморфологик; нодир геологик ... Батафсил »

ДАВЛАТ БОШЛИҒИ (инглизча – head of the state) – олий давлат лавозими. У ижро ҳокимияти соҳиби ва ташқи муносабатлар соҳасида давлатнинг олий вакили ҳисобланади. Монархияларда – Буюк Британия, Дания, Швеция, Испания, Японияда – Д.б. монарх (қирол, император, амир) бўлиб, унинг ҳокимияти қоидага кўра ҳукмрон шажара вакилидан кейингисига қонунга биноан мерос тариқасида ўтказилади. Республикаларда (Италия, Франция, ГФР, АҚШ, Лотин Америкаси давлатлари ва б.) д.б. президент бўлиб, у бевосита аҳоли томонидан сайланади (Мексика, Панама, Колумбия), ёки билвосита (АҚШ, Аргентина), ёхуд кўп босқичли ... Батафсил »

ДАВЛАТ БОШҚАРУВИ ҲУЖЖАТЛАРИ – бошқарув фаолиятининг асосий шаклларидан бири. Улар ёрдамида бошқарув органлари ўз олдига қўйилган вазифаларни бажаради ва кўпгина бошқарув масалаларини ҳал қилади. Д.б.ҳ. бу қонунларда кўрсатиб ўтилган тартибда давлат органлари ёки уларнинг мансабдор шахслари томонидан ваколат доирасида қабул қилинган ҳамда ҳуқуқий оқибатларга олиб келадиган қонуности расмий ҳужжат ҳисобланади. Д.б.ҳ.да давлат органи ёки мансабдор шахснинг фармойиши баён қилиниб, унинг бажарилиши ташкилий ишлар ва ишонтириш йўли б-н, керак бўлган пайтларда эса мажбурлаш йўли б-н амалга оширилади. Д.б.ҳ. қонуний равишда ўз ... Батафсил »