Президент Ислом Каримов Аҳмедбаев Адҳамжон Акрамовични янги Ички ишлар Вазири этиб тайинлаш ҳақидаги Фармонга имзо чекди. Бу ҳақида, UzDaily нашри хабар бермоқда.
Бунгача Адҳамжон Аҳмедбаев Ички ишлар Вазирининг биринчи ўринбосари лавозимида ишлаб келаётган эди. Аҳмедбаев Адҳамжон Акрамович 1966 йил 14 февраль куни Тошкент шаҳрида таваллуд топган.
Шунингдек, Президент Фармонига асосан, Мирсамад Адилов Ички ишлар Вазирининг биринчи ўринбосари лавозимига тайинланди.
Эслатиб ўтаман, бугунги кунгача Матлюбов Баҳодир Аҳмедович Ички ишлар Вазири лавозимида ишлаб келаётган эди. UzDaily хабарида Баходир Матлюбов бошқа лавозимга ўтганлиги ёки нафақа чиққанлиги ҳақида ҳеч қандай маълумот берилмаган.
Шунингдек, Ички ишлар Вазири алмашганлиги ҳақида “Новый век” газетаси сайтида ҳам маълумот берилган.
