Ўзбекистон Республикаси Халқ таълими вазирлиги 2014/2015 ўқув йилида умумтаълим мактабларини дарсликлар билан таъминлаш ижара тизимига киритилган дарсликлар ижара тўпламига белгиланган ягона ижара тўлов миқдорларини эълон қилди.
Вазирлик сайтида таълим ўзбек, қорақалпоқ, рус, туркман, тожик, қирғиз, қозоқ тилларида олиб бориладиган мактаблар учун чоп этилган дарсликларнинг ижара нархлари ҳақида маълумот берилган.
Унга кўра, таълим ўзбек тилида олиб бориладиган мактабларнинг 2-синфлари учун 9 та дарсликдан иборат тўпламнинг (Она тили, Ўқиш китоби, Рус тили, Математика, Атрофимиздаги олам, Одобнома, Тасвирий санъат, Мусиқа, Жисмоний тарбия) ижара нархи 6900 сўмни ташкил қилади.
3-синфлар учун 9 та дарсликдан иборат тўпламнинг (Она тили, Ўқиш китоби, Рус тили, Математика, Табиатшунослик, Одобнома, Тасвирий санъат, Мусиқа, Жисмоний тарбия) ижара нархи 8200 сўмни ташкил қилади.
4-синфлар учун 8 та дарсликдан иборат тўпламнинг (Она тили, Ўқиш китоби, Рус тили, Математика, Табиатшунослик, Одобнома, Мусиқа, Жисмоний тарбия) ижара нархи 7100 сўмни ташкил қилади.
5-синфлар учун 9 та дарсликдан иборат тўпламнинг (Она тили, Адабиёт (1,2-қисм), Рус тили, Тарихдан ҳикоялар, Математика, Ботаника, Табиий география бошланғич курси, Информатика, Ватан туйғуси) ижара нархи 6200 сўмни ташкил қилади.
6-синфлар учун 10 та дарсликдан иборат тўпламнинг (Она тили, Адабиёт (1-2 қисм), Рус тили, Тарих, Математика, Физика, Ботаника, Информатика, География, Ватан туйғуси) ижара нархи 6100 сўмни ташкил қилади.
7-синфлар учун 13 та дарсликдан иборат тўпламнинг (Она тили, Адабиёт, Рус тили, Ўзбекистон тарихи, Жаҳон тарихи, Алгебра, Геометрия, Физика, Кимё, Зоология, География, Миллий истиқлол ғояси ва маънавият асослари, Информатика) ижара нархи 7400 сўмни ташкил қилади.
8-синфлар учун 16 та дарсликдан иборат тўпламнинг (Она тили, Адабиёт, Рус тили, Ўзбекистон тарихи, Жаҳон тарихи, Ўзбекистон давлат ва ҳуқуқ асослари, Иқтисодий билим асослари, Алгебра, Геометрия, Физика, Кимё, Одам ва унинг саломатлиги, География, Миллий истиқлол ғояси ва маънавият асослари, Информатика, Чизмачилик) ижара нархи 9100 сўмни ташкил қилади.
9-синфлар учун 16 та дарсликдан иборат тўпламнинг (Она тили, Адабиёт, Рус тили, Ўзбекистон тарихи, Жаҳон тарихи, Конститутциявий ҳуқуқ асослари, Иқтисодий билим асослари, Алгебра, Геометрия, Информатика, Физика, Кимё, Биология Цитология ва генетика асослари, Жаҳон иқтисодий -ижтимоий географияси, Миллий истиқлол ғояси ва маънавият асослари, Чизмачилик) ижара нархи 9500 сўмни ташкил қилади.
Агар дарсликлар йўқолган ёки фойдаланишга яроқсиз ҳолатга келиб қолган тақдирда, Умумтаълим мактабларини дарсликлар ва ўқув-методик қўлланмалар билан таъминлаш тартиби тўғрисидаги низомнинг 51-бандига асосан, ўқувчининг ота-онаси ёки уларнинг ўрнини босувчи шахслар ёхуд ҳомийлар ёки ўқитувчилар зарарни худди шундай дарсликлар билан қоплайди ёхуд унинг бирламчи ҳужжатларда (ҳисоб-фактурада, юк хатида) кўрсатилган қийматини қуйидаги миқдорларда тўлайди:
- биринчи синф ўқувчиларининг ҳар бир дарслик учун – унинг бир баравари миқдорида;
- 2 – 4-синф ўқувчиларининг ҳар бир дарслик учун – унинг икки баравари миқдорида;
- 5 – 9-синф ўқувчиларининг ҳар бир дарслик учун – унинг тўрт баравари миқдорида.
Агар ижара нархларига назар ташлайдиган бўлсак, тиллар бўйича нархлар турлича эканлигига гувоҳ бўламиз. Хусусан, тиллар бўйича битта синф учун дарслик тўпламларининг ўртача ижара баҳоси қуйидагича:
Қозоқ тили – 16.100 сўм
Тожик тили – 14.411 сўм
Қирғиз тилим – 14.289 сўм
Туркман тили -14.289 сўм
Қорақалпоқ тили – 12.356 сўм
Рус тили – 7.711 сўм
Ўзбек тили – 6.722 сўм
Қуйидаги манзил орқали таълим бошқа тилларда олиб бориладиган мактаблар учун этилган дарсликларнинг ижара нархлари ҳақидаги маълумотларни юклаб олишингиз мумкин:
ҚОРАҚАЛПОҚ тили
РУС тили
ТУРКМАН тили
ТОЖИК тили
ҚИРҒИЗ тили
ҚОЗОҚ тили
