Хабарингиз бор, ҳар йили 1 август куни мобил операторлар соат 8:30 дан 13:30 гача SMS, MMS ва GPRS хизматларини вақтинча ўчиради.
Жорий йилда ҳам бундай узилишлар бўлиши ҳақида хабар берилмоқда. Хусусан, “Beeline” компанияси ўз сайтида профилактика ишлари ўтказилиши муносабати билан юқоридаги хизматлар вақтинча ўчирилиши ҳақида хабар берди.
“UMS” компанияси эса абонентларига SMS-хабар юборган ҳолда, “кўрсатилаётган хизматлар сифатини яхшилаш ишлари олиб борилаётгани муносабати билан” юқоридаги хизматлардан фойдаланиб бўлмаслигини маълум қилган.
“UMS” компаниясидан кеган SMS-хабар
Шунингдек, “Perfectum” компанияси ҳам ўз сайтида профилактика ишлари олиб борилиши туфайли 1 август куни соат 8.00 дан 14.00 гача SMS, WAP ва Internet хизматлари ишламаслигини маълум қилган.
Ҳозирча, бошқа мобил алоқа операторлари бу ҳақида хабар қилишмаган. Таъкидлаш жоизки, овозли суҳбат хизмати ҳеч қандай узулишсиз ишлайди.
Эслатиб ўтаман, 1 август куни олий ўқув юртларига кириш имтиҳонлари бўлиб ўтади ва тест синовлари вақтида SMS, MMS ва GPRS хизматлари ишламайди.
