Xushnudbek.uz

БОШ ПОЛИС – бир турдаги мол-мулк (товарлар, юклар ва ҳ.) ларни муайян муддат давомида бир хилдаги шартларда суғурта қилдирувчининг суғурталовчи б-н келишувига биноан бир йўла суғурталаш шартномаси. (муал. – И.Зокиров) Батафсил »

ВАҚТИНЧА МЕҲНАТГА ҚОБИЛИЯТСИЗЛИК НАФАҚАСИ– давлат тиббий–даволаш, тиббий профилактика муассасалари томонидан вақтинча меҳнатга қобилиятсиз деб топилган ва вақтинча қобилиятсизлик варақаси берилган ходимларга давлат ижтимоий суғуртаси ҳисобидан тайинланадиган ва тўланадиган нафақа. Унинг миқдори ходим иш стажи ҳажмига, вақтинча меҳнатга лаёқатсизлик юз бериши сабабларига ва б. объектив ҳолатларга боғлиқ бўлиб, ходим ўртача иш ҳақининг 50 фоизидан 100 фоизгача бўлиши мумкин. В.м.қ.н. тайинлаш, унинг миқдорини белгилаш корхоналардаги Давлат ижтимоий суғуртаси комиссиялари томонидан қонун ҳужжатларига асосан амалга оширилади. (муал. – М.Усмонова) Батафсил »

ВАҚТИНЧА МЕҲНАТГА ҚОБИЛИЯТСИЗЛИК – ходимнинг касаллиги, бемор оила аъзосини парваришлаши ва б. назарда тутилган вазифаларни бажариш имкониятидан вақтинча маҳрум бўлиб қолиши. В.м.қ. тиббий даволаш муассасасининг ҳужжати б-н тасдиқланади. В.м.қ. варақасини бериши ва в.м.қ.ни тиббий экспертиза қилиш тартибига қонун ҳужжатларида белгиланган махсус назарда тутилган ҳоллардан ташқари в.м.қ. нафақаси тайинланади. (муал. – М.Усмонова) Батафсил »

БОШ АУДИТОР – Англиянинг собиқ мустамлакалари бўлган қатор мамлакатлар (Ҳиндистон, Непал, Кения, Мавритания, Барбадос, Замбия ва б.) да давлат молия–бюджет назорати хизматига бошчилик қилувчи юқори лавозимли шахс. Б.а. Бош вазир розилиги, баъзида парламент тасдиқлаши б-н республика президенти ёки генерал–губернатор томонидан тайинланади. Маълум ёшга етгунга қадар лавозимда бўлади ва фақат импичмент йўли б-н лавозимдан четлатилиши мумкин. Б.а. ўз хизматини мустақил амалга оширади. (муал. – Қ.Абдурасулова) Батафсил »

ВАҚТ НОРМАСИ – маълум меҳнат операциясини ёки маҳсулот бирлигини тайёрлаш учун сарфланган вақт (минут, соат, кун) ходим меҳнатини ўлчаш воситаси ва иш ҳақи тўлаш мезонларидан бири. В.н. тегишли норматив ҳужжатларда назарда тутиб белгиланади. (муал. – М.Усмонова) Батафсил »

ВАФОТ ЭТГАН ДЕБ ЭЪЛОН ҚИЛИНГАН ФУҚАРО ҚАЙТИБ КЕЛИШИНИНГ ОҚИБАТЛАРИ – вафот этган деб эълон қилинган фуқаро келиб қолган ёки унинг туриш жойи маълум бўлиб қолган тақдирда, суд янги ҳал қилув қарори б-н ўзининг илгариги ҳал қилув қарорини бекор қилади. Янги ҳал қилув қарори тегишинча мулкка нисбатан бошқарувчини ёки фуқаролик ҳолатлари далолатномаларини қайд қилиш дафтаридаги фуқаронинг вафотига доир ёзувни бекор қилиш учун асос бўлади. (муал. – И.Зокиров) Батафсил »

БОШ АТТОРНЕЙ – Буюк Британия, АҚШ, Бразилия, Венесуэла ва айрим бошқа давлатларда энг юқори лавозимли ҳуқуқий маслаҳатчи. Буюк Британияда Б.а. Вазирлар Маҳкамасининг аъзоси, давлат манфаатларига дахлдор юридик ишларни юритади, судда алоҳида аҳамиятга эга бўлган ишларда айбловни қўллаб–қувватлайди. АҚШда Бош атторней адлия департаментнинг бошлиғи (вазир) бўлиб, айни бир вақтда федерал ҳукуматнинг юридик маслаҳатчиси ҳисобланади. Бош атторней лавозими АҚШнинг аксарият штатларида ҳам бор. (муал. – Ш.Абдуқодиров) Батафсил »

ВАСИЯТНОМАНИ ИЖРО ЭТУВЧИ – васият қилувчи в.и.этишни меросхўр ҳисобланмайдиган шахсга топшириши мумкин. Бу шахснинг в.и.э.га розилиги унинг қўли б-н васиятномага ёзган устхатида ёки васиятномага илова қилинган аризасида акс эттирилиши лозим. Меросхўрлар ўзаро келишиб, васиятноманинг ижросини меросхўрлардан бирига ёхуд бошқа шахсга топширишга ҳақлидир. Бундай келишувга эришилмаган тақдирда, в.и.э. бир ёки бир неча меросхўрнинг талаби б-н суд томонидан тайинланиши мумкин. В.и.э. васиятнома бўйича меросхўрларни олдиндан хабардор қилган ҳолда васият қилувчи томонидан ўз зиммасига юклатилган мажбуриятларни бажаришдан истаган вақтда воз кечиш ҳуқуқига эга. ... Батафсил »

  БОСҚИНЧИЛИК – ўзганинг мулкини талон–тарож қилиш мақсадида ҳужум қилиб, ҳаёт ёки соғлиқ учун хавфли бўлган зўрлик ишлатиб ёхуд худди шундай зўрлик ишлатиш йўли б-н қўрқитиб содир этилган ҳаракат. ЖКнинг 164-м.га асосан, Б. қурол ёки қурол сифатида фойдаланиш мумкин бўлган бошқа нарса, бир гуруҳ шахслар, анча миқдордаги мулкни талон–тарож қилиш б-н боғлиқ ҳолда, такроран, хавфли рецидивист томонидан кўп миқдорда, баданга оғир шикаст етказган ҳолда содир этилиши айбни оғирлаштиради. Б. жинояти жабрланувчига зўрлик ишлатиб ёхуд унга зўрлик қилиш б-н қўрқитиб содир ... Батафсил »

ВАСИЯТНОМА – фуқаронинг унга тегишли бўлган мол-мулкни, мулкка бўлган ҳуқуқ ва мажбуриятларни ўзи вафот этгандан сўнг тасарруф этиш бўйича хоҳиш-иродасини ифода этадиган фармойиши. Бу ҳуқуқ васият қилувчига ўз ҳуқуқини амалга оширишда эркинлик беради. В. ёзилган жойи ва вақти кўрсатилган ҳолда ёзма шаклда тузилиши лозим. Нотариал тасдиқланган ва уларга тенглаштирилган в. ёзма шаклда тузилган ҳисобланади. Ёзма шаклдаги в. васият қилувчининг ўз қўли б-н имзоланиши лозим. Агар в. қилувчи жисмоний нуқсонлари, касаллиги ёки саводсизлиги туфайли в.ни ўз қўли б-н имзолай олмаса, унинг ... Батафсил »