КАЛИБР – милида махсус ариқча бор қуролларда шу ариқчаларнинг ўзаро қарама–қарши жойлашган майдонлари орасидаги масофа билан ўлчанади. К. Европада миллиметрда, АҚШда дюймнинг юздан бир бўлаги (1 дюйм = 2,54 см = 25,4 мм), Буюк Британияда дюймнинг мингдан бир бўлагида ўлчанади. Масалан 5,6 мм К. АҚШда 22 ва Буюк британияда 220 К.га мос келади. Махсус ариқчали миллардан 5,45; 5,6; 6,35; 7,62; 7,63; 7,65; 9; 11,43 мм К.лари кенг тарқалган. Силлиқ милли ов қуролининг К. – бир инглиз фунтига (458,5 грамм) тенг оғирликдаги қўрғошиндан тайёрланган, диаметри қурол милининг ички диаметри билан бир ҳил бўлган думалоқ ўқлар сонига тенг. Узунлик бирликларида 12 К.ли ўқ – 18,4 мм, 16 К.ли ўқ учун эса – 16,8 мм). Силлиқ милли стандарт ўтотлар қуролларнинг К.ини қуролнинг мил ости майдончасидаги, шунингдек, дастадаги ёзувлардан билиш мумкин. (Норбоев)
