КАСБ ВА ЛАВОЗИМЛАРНИ БИРГА ҚЎШИБ ОЛИБ БОРИШ – ходимнинг ўз асосий иши билан бир қаторда бошқа касб, ихтисос ёки лавозимга оид ишни бир вақтда бажариши. Ўриндошликдан фарқли, касб, ихтисос ёки лавозимлар бўйича бирга қўшиб бажариладиган иш битта корхона, ташкилотнинг ўзида белгиланган иш куни муддати доирасида амалга оширилади. Бир неча касбда (лавозимда) ишлаганлик учун ходимларнинг меҳнат ҳақи миқдори меҳнат шартномасининг тарафлари ўртасидаги келишувга биноан амалда бажарилган иш юзасидан белгиланади. (Узбекистон Республикаси МКнинг 160-моддаси).
