КЕЧИРИМ – айрим мамлакатларда афв этишнинг хусусий шакли (хусусий афв); давлат бошлиғи томонидан жиноий жазонинг бекор қилиниши ёки камайтирилиши. К. якка тартибда муайян шахсга нисбатан қўлланилади. Жиноят учун маҳкум этилган шахс К. хақида ҳужжатга биноан жазони бундан кейин ўташдан озод қилиниши мумкин. К.да белгиланган жазонинг юмшоқроқ тури билан алмаштирилиши ҳам назарда тутилади. К. жазони ўтаган шахсдан судланганлик бекор этиш шаклида ҳам бўлиши мумкин (қ. Амнистия).
