ЛИЦЕНЗИЯ ТАЛАБГОРИ – фаолиятнинг лицензияланадиган турини амалга ошириш учун лицензияловчи органга лицензия бериш тўғрисидаги ариза билан мурожаат этган юридик ёки жисмоний шахс. Ўз.Р “Адвокатура тўғрисида”ги Қонунга мувофиқ Ўзбекистон фуқароси бўлган, ақли расо, олий юридик маълумотга эга бўлган, адвокатлик фаолияти билан шуғулланишга лицензия олиш мақсадида малака комиссиясига белгиланган тартибда ариза билан мурожаат қилган шахс.
