Россия Федерацияси Президенти Владимир Путин “Россия Федерацияси Қурилиш, уй-жой ва коммунал хўжалиги вазирлиги тўғрисида”ги Фармонни имзолади. Ушбу Фармонга асосан ижро ҳокимияти яна битта вазирликка кўпаядиган бўлди. Бу ҳақида “Гарант” ҳуқуқий портали хабар бермоқда.
Мазкур хабарда таъкидланишича, Қурилиш, уй-жой ва коммунал хўжалиги вазирлиги федераль агентлиги (Госстрой) вазирликка айлантирилган. Мазкур вазирликнинг асосий вазифалари этиб, соҳага тегишли норматив-ҳуқуқий ҳужжатлар базасини такомиллаштириш, уй-жой коммунал хизматлари тарифларининг ошиб кетмалик чоралари кўриш, авария ҳолатидаги кўп қаватли уйлардан аҳолини кўчириш, қурилишларни самарали ташкил қилиб, унга сарфланадиган ҳаражатларни камайтириш, ҳудудларда кўп қаватли уйларни таъмирлаш фондларини шакллантириш ва ҳоказолар белгиланди.
Фармонга асосан, янги ташкил этилган вазирликка вазир сифатида Михаил Мень этиб тайинланди.
Эслатиб ўтаман, Россия Федерациясида жами бўлиб 21 та вазирлик фаолият олиб боради. Булар қуйидагилар:
1. Ички ишлар вазирлиги
2. Фуқаро мудофааси, фавқулодда вазиятлар ва табиий офат оқибатларини бартараф этиш вазирлиги
3. Ташқи ишлар вазирлиги
4. Мудофаа вазирлиги
5. Адлия вазирлиги
6. Соғлиқни сақлаш вазирлиги
7. Маданият вазирлиги
8. Таълим ва илм-фан вазирлиги
9. Табиий ресурслар ва экология вазирлиги
10. Савдо ва саноат вазирлиги
11. Узоқ Шарқни ривожлантириш вазирлиги
12. Ҳудудий ривожланиш вазирлиги
13. Алоқа ва оммавий коммуникациялар вазирлиги
14. Қишлоқ хўжалик вазирлиги
15. Спорт вазирлиги
16. Транспорт вазирлиги
17. Меҳнат ва ижтимоий муҳофаза вазирлиги
18. Молия вазирлиги
19. Иқтисодий тараққиёт вазирлиги
20. Энергетика вазирлиги
21. Қурилиш, уй-жой ва коммунал хўжалиги вазирлиги
Маълумот ўрнида:
Ўзбекистон Республикасида 14 та вазирлик, 9 та давлат қўмитаси фаолият олиб боради.
