Xushnudbek.uz

ГИПОТЕЗА – ҳуқуқ нормасида белгиланадиган қоида қандай шароит ва ҳолатда ким томонидан амалга оширилиши кўрсатилади. Гипотеза ҳуқуқ нормасининг бир қисми бўлиб, унда диспозицияда кўрсатилган қоиданинг кучга кириши учун зарур бўлган муайян аниқ ҳаётий ҳолатлар (воқеа, ҳаракат, ҳолатлар) ўзининг ифодасини топади. (муал. – М.Нажимов) Батафсил »

ГИЛЬЗА – патроннинг барча қисмларини бирлаштирувчи қисм. Г. шаклига кўра, цилиндрсимон, бутилкасимон ва конуссимон бўлади. Цилиндрсимон ва конуссимон Г. порох газларининг босими унчалик катта бўлмаган патронларда, бутилкасимон г. эса босими катта бўлган патронларда ишлатилади. Г.ларда қуйидаги асосий қисмлар мавжуд: гильзанинг олди очиқ томонидаги энг четки қисми; ўқни маҳкамлаш учун мўлжалланган, қия қисмига туташиб кетган қисми; қия қисми – г.нинг оғзи ва сирти орасидаги конуссимон сирти; г.нинг туби, ундаги ариқча, пистон уяси, сандони – патрондан патронни ёки отилган г.ни чиқариб олиш ... Батафсил »

БЮДЖЕТ ДОТАЦИЯСИ – ўз даромадлари ва бюджетни тартибга солувчи бошқа маблағлар етишмаган тақдирда қуйи бюджетнинг харажатлари б-н даромадлари ўртасидаги фарқни қоплаш учун юқори бюджетдан қуйи бюджетга қайтармаслик шарти б-н ажратиладиган пул маблағлари. (муал. – А.Ли) Батафсил »

ГИЁҲВАНДЛИК ЁКИ ПСИХОТРОП МОДДАЛАРНИ ЎҒИРЛАШ – гиёҳвандлик воситалари ёки психотроп м.ни яширин йўл б-н ўзганинг эгалигидан ғайриқонуний равишда текинга эгаллаб олиш. (муал. – У.Мирзаев) Батафсил »

БЮДЖЕТ (инглизча – ҳамён, маблағ) – белгиланган муддат (й., квартал) учун ишлаб чиқилган, меъёрлаштирилган ҳамда қонуний равишда тасдиқланган даромадлар ва харажатлар йиғиндиси. Б. давлат даражасида, шунингдек, вилоят, туман хўжалик субъектлари, оила ёки шахс даражасида тузилиши мумкин. Қандай бўғинда ташкил топишидан қатъи назар, б. уч хил маънода бўлади: иқтисодий маънода – б. жамғармаларини турли бўғинда ташкил этиш, тақсимлаш ва фойдаланиш б-н боғлиқ бўлган иқтисодий (пул) муносабатлари тизимини англатади; моддий маъно – давлат ва маҳаллий ҳокимият органларининг ўз олдига қўйган вазифаларини таъминлаш ... Батафсил »

ГИЁҲВАНДЛИК ВОСИТАЛАРИНИНГ ҚОНУНГА ХИЛОФ МУОМАЛАСИ БИЛАН БОҒЛИҚ ЖИНОЯТЧИЛИКНИНГ КРИМИНОЛОГИК ТАВСИФИ – аҳолининг гиёҳвандлик воситалари истеъмол қилишга берилиши жисмоний, руҳий ва маънавий таназзулга учрашига; мамлакат иқтисоди, фуқаролар турмуши ва мудофаа қобилиятининг таянчи бўлиши керак бўлган одамларнинг шахсий деградациясига; аҳолининг насл қолдириш қобилиятига ва келгуси авлодларнинг саломатлигига салбий таъсир кўрсатилишига; жиноятчиликнинг оммавий негизлари яратилишига; виктимлик даражаси юқори бўлган шахсларнинг кўпайишига; қуролли кучларнинг жанговар қобилиятига путур етишига; гиёҳвандлик воситаларини истеъмол қилишга мойил шахсларни профилактика қилиш, даволаш, уларга ҳуқуқий таъсир кўрсатиш ва б. шунга ... Батафсил »

ГИЁҲВАНДЛИК ВОСИТАЛАРИ, ПСИХОТРОП МОДДАЛАР ВА ПРЕКУРСОРЛАР БИЛАН МУОМАЛА ҚИЛИШ – ЎзРнинг 1999 й. 19 авг. “Гиёҳвандлик воситалари ва психотроп моддалар тўғрисида”ги Қонунига мувофиқ, гиёҳвандлик воситалари ва психотроп моддаларни ташиб кириш (кетиш), ҳудуддан ўтказиш, сақлаш, сотиш, тарқатиш, тақсимлаш, сотиб олиш, кўчириш, жўнатиш, тайёрлаш, ишлаб чиқариш, ясаш, шунингдек, гиёҳвандлик воситалари, психотроп моддалар ва прекурсорлардан фойдаланиш ҳамда таркибида гиёҳвандлик моддалар бор ўсимликларни етиштириш. (муал. – Қ.Абдурасулова) Батафсил »

БЎНАК – шартнома ёки битим бўйича бир тараф иккинчи тарафга бажариладиган иш, кўрсатиладиган хизмат учун олдиндан қисман ҳақ тўлаш. Олдиндан бир қисмининг тўланиши шартнома тузилганлигидан далолат беради ва шартнома шартларининг қисман бажарганлигини ҳам билдиради. Айрим шартномаларга олдиндан Б. тўлаб қўйиш қонунда ҳам белгилаб қўйилган бўлиб, бундай шартномаларга маҳсулот етказиб бериш, контрактация ва пудрат мисол бўла олади. Б. шартнома бўйича тўланадиган ҳақ миқдорига қўшилади. Шартнома бўйича ўз мажбуриятларини бажармаган Б. олган тараф, Б.ни қайтариб беради. Иккинчи тараф эса Б.дан фойдаланганлик учун ... Батафсил »

ГИЁҲВАНДЛИК ВОСИТАЛАРИ – алоҳида рўйхатга киритилган ва назоратга олинадиган, келиб чиқиши синтетик ёки табиий модда таркибида гиёҳвандлик моддаси бўлган препаратлар ва ўсимликлар. ЎзР Вазирлар Маҳкамаси томонидан тасдиқланган Г.в. рўйхатига киритилган Г.в., психотроп моддалар ва прекурсорларгина Г.в. сифатида эътироф этилади. Г.в. – ўз тасирига кўра ёки суиистемол қилинганда аҳолининг соғлиғи учун хавф туғдирувчи “Гиёҳвандлик воситалари тўғрисида”ги БМТнинг 1961 й. ягона конвенциясининг 1- ва 2-рўйхатларига киритилган тиббий ёки сунъий тайёрланган ҳар қандай Г.в. Энг кенг тарқалган Г.в.га қуйидагилар киради: наша ва ундан ... Батафсил »

БЎЛИНМАЙДИГАН АШЁ – ФК 88-м.да қуйидагича таъриф берилган: бўлиш натижасида қисмлари дастлабки ашёнинг хоссаларини йўқотадиган, унинг хўжалик (мақсадли) аҳамиятини ўзгартирадиган ашё бўлинмайдиган ашё ҳисобланади. Мас., чорва моллари, автомобиль ва ш.к. киради. Уларни бўлиш жараёнида мақсадга мувофиқ фойдаланиб бўлмайди. Шунингдек, унинг қиймати ва аҳамиятига таъсир этмай қолмайди. Бир хил ёки бир неча хил предметларнинг мажмуи бўлиб ҳисобланадиган, жисмоний жиҳатдан алоҳида, мустақил, бироқ йиғилганда, мажмуа ҳолида, ягона мақсадга хизмат қилувчи мураккаб ашёлар ҳам бўлинмас ҳисобланади. Мас., компьютер комплекти. (муал. – И.Зокиров) Батафсил »