АЁЛЛАР ВА БОЛАЛАР САВДОСИ – халқаро хусусиятга эга жиноят, унга қарши кураш зарурати халқаро ҳамкорликни талаб этади. ХХ а.нинг биринчи ярмида ушбу масала бўйича бир қатор битимлар тузилган. Кейинчалик улар Одамлар савдоси ва фоҳишабозликдан ўзгаларнинг фойдаланишига қарши кураш тўғрисидаги Конвенция б-н алмаштирилди. Конвенция БМТ Бош Ассамблеясининг 1949 й. 2 дек.да имзолаш учун очилган 317(IV) резолюцияси 1951 й. 25 июлда кучга кирди. Конвенциянинг 1 ва 2-м.да унинг иштирокчилари зиммасига айбдор шахсларни жазога тортиш мажбурияти юклатиладиган ҳаракатлар санаб ўтилган. (муал. – О.Муҳаммаджонов)
