2014 йил 29 август куни Ўзбекистон Республикаси Олий Мажлиси Сенатининг “Ўзбекистон Республикаси Конституциявий cуди раисининг ўринбосарини сайлаш тўғрисида”ги қарори қабул қилинди. Қарорнинг матни Олий Мажлиси Сенатининг расмий сайтида эълон қилинди.
Унга кўра, Ўзбекистон Республикаси Олий судининг раиси Бўритош Мустафоев ўз лавозимидан озод қилиниб, Ўзбекистон Республикаси Конституциявий суди раисининг ўринбосари этиб сайланди.
Ўзбекистон Республикаси Конституциясининг 80-моддаси 2-бандига биноан, Ўзбекистон Республикаси Олий Мажлисининг Сенатининг мутлақ ваколатларига Ўзбекистон Республикаси Президентининг тақдимига биноан Ўзбекистон Республикаси Конституциявий судини сайлаш ҳам киради.
Маълумот ўрнида айтишим мумкинки, Бўритош Мустафоев илгари Ўзбекистон Республикаси Бош прокурори, Конституциявий суд раиси, Марказий сайлов комиссияси раиси, Адлия вазири лавозимларида ҳам фаолият юритган.
