Xushnudbek.uz

2014 йил 6 февраль куни Ўзбекистон Республикаси Вазирлар Маҳкамасининг “Ўзбекистон Республикаси фуқароларининг чет элга чиқиши тартибини такомиллаштириш чора-тадбирлари тўғрисида”ги Қарори тасдиқланди. Ҳужжат матнида таъкидланишича, Қарордан асосий мақсад замонавий халқаро стандартлар ва талабларни ҳисобга олган ҳолда паспорт тизимини янада такомиллаштириш, халқаро ўтказиб юбориш чегара пунктларида Ўзбекистон Республикаси фуқароларининг паспорт назоратидан ўтиши тартиб-қоидасини соддалаштириш, уларнинг ҳуқуқ ва эркинликлари самарали ҳимоя қилинишини таъминлашдир. Қарорда белгиланган қоидага кўра, 2014 йил 1 июлдан бошлаб Ўзбекистон Республикаси фуқароларининг чет элга чиқиши фақат биометрик паспортлар бўйича амалга ... Батафсил »

2014 йил 31 январь куни Ўзбекистон Республикаси Вазирлар Маҳкамасининг “Даврий босма нашрларнинг мажбурий нусхалари юбориладиган муассаса ва ташкилотларнинг рўйхатини тасдиқлаш тўғрисида”ги Қарори қабул қилинди. Унга кўра, даврий босма нашрларнинг мажбурий нусхалари юбориладиган муассаса ва ташкилотларнинг рўйхати иловага мувофиқ тасдиқланди. Қарорда даврий босма нашрларнинг мажбурий нусхалари таҳририят томонидан белгиланган умумий тираж ҳисобидан юборилиши назарда тутилган. Мазкур қарор асосида Ўзбекистон матбуот ва ахборот агентлигига даврий босма нашрларнинг мажбурий нусхалари юбориладиган муассаса ва ташкилотларнинг рўйхатини таҳририят ва матбаа корхоналарига етказиш ҳамда муассаса ва ... Батафсил »

2013 йил 31 декабрь куни “Юридик таълим муассасалари (ҳарбий, махсус олий таълим муассасаларидан ташқари) талабалари томонидан таништирув ва малакавий амалиётни, шунингдек стажировкани ўташ тартиби тўғрисидаги низомни тасдиқлаш ҳақида”ги қарор қабул қилинди. Мазкур қарор Ўзбекистон Республикаси Адлия вазири Н. Йўлдошев, Олий суд раиси Б. Мустафаев, Олий хўжалик суди раиси К. Камилов, Бош прокурор Р. Қодиров, Молия вазири Р. Азимов, Олий ва ўрта махсус таълим вазири Б. Ходиев томонидан имзоланган. Мазкур Низом «юриспруденция» мутахассислиги бўйича юридик кадрларни тайёрлашни амалга оширувчи олий таълим ... Батафсил »

Ўзбекистон Республикаси Президенти Ислом Каримов 2013 йил 27 декабрь куни “Ўзбекистон халқ шоири Муҳаммад Юсуф таваллудининг 60 йиллигини нишонлаш тўғрисида”ги Қарорга имзо чекди. Қарорнинг расмий матни ЎзА томонидан эълон қилинди. Президент Қарорига кўра, миллий адабиётимиз ва маданиятимизни ривожлантириш, халқимиз маънавияти, онгу тафаккурини юксалтириш, ёш авлод қалбида ўзликни англаш, миллий ғурур ва ифтихор туйғуларини, эзгу фазилатларни камол топтириш борасида ёрқин истеъдоди, бетакрор бадиий асарлари, ибратли ижтимоий фаолияти билан катта ҳисса қўшганини инобатга олиб ҳамда таваллудининг 60 йиллигини муносиб нишонлаш мақсадида Ўзбекистон ... Батафсил »

Инфляция даражасининг 2014 йилги прогноз кўрсаткичларидан келиб чиққан ҳолда ҳамда юқори иқтисодий ўсиш суръатларини рағбатлантириш мақсадида Ўзбекистон Республикаси Марказий банки Бошқаруви томонидан 2014 йилнинг 1 январидан бошлаб қайта молиялаш ставкасини амалдаги 12 фоиздан 10 фоизга тушириш бўйича қарор қабул қилинди. Бу ҳақида Марказий Банк расмий сайти хабар бермоқда. Хабарда таъкидланишича, қайта молиялаш ставкасининг туширилиши банк кредитлари бўйича фоиз ставкаларининг пасайишига асос яратади ва иқтисодиётнинг реал секторидаги инвестицион фаолликни ошишига олиб келади. Жумладан, ишлаб чиқаришни модернизация қилиш, техник ва технологик жиҳатдан ... Батафсил »

Ўзбекистон Республикаси Президенти Ислом Каримов 2013 йил 17 декабрь куни халқаро шартномани тасдиқлаш тўғрисидаги қарорга имзо чекди. Мазкур қарорга кўра, Шанхай ҳамкорлик ташкилотига аъзо давлатлар ҳукуматлари ўртасида илмий-техникавий ҳамкорлик тўғрисида 2013 йил 13 сентябрь куни Бишкек шаҳрида имзоланган Битим тасдиқланди. Шунингдек, Қарорда Ўзбекистон Республикаси Ташқи ишлар вазирлиги зиммасига Ўзбекистон Республикаси томони мазкур халқаро шартнома кучга кириши учун зарур бўлган ички давлат тартиб-таомилларини бажаргани тўғрисида тегишли билдиришнома йўллаш вазифаси топширилди. “Ўзбекистон Республикаси Вазирлар Маҳкамаси ҳамда тегишли вазирлик ва идоралар раҳбарлари ушбу ... Батафсил »

Ўзбекистон Республикаси Президенти Ислом Каримов 2013 йил 20 декабрь куни “Ўзбекистон Республикаси фуқароларининг муддатли ҳарбий хизматга навбатдаги чақируви ҳамда белгиланган хизмат муддатларини ўтаб бўлган ҳарбий хизматчиларни Қуролли Кучлар резервига бўшатиш тўғрисида”ги Қарорга имзо чекди. Бу ҳақида ЎзА хабар бермоқда. Унга кўра, чақирилиш муддатини кечиктириш ҳуқуқига эга бўлмаган Ўзбекистон Республикасининг чақирув ёшидаги фуқаролари 2014 йилнинг февраль-март ойларида муддатли ҳарбий хизматга чақирилиши белгиланди. Қарорга кўра, муддатли ҳарбий хизматни ўташга яроқли ҳамда чақирилиш муддатини кечиктириш ва чақирилишдан озод этиш ҳуқуқига эга бўлмаган, бироқ ... Батафсил »

Хабарингиз бор, ҳар йили республикамизда давлат ва жамият ҳаётида муҳим ўрин тутувчи байрамлар ва саналар арафасида халқимизга хос бўлган кечиримлилик, инсонпарварлик, бағрикенглик каби азалий қадриятларимизни ўзида мужассам этган ҳужжат – амнистия акти қабул қилиб келинмоқда. Жумладан, мамлакатимиз мустақиллиги байрами, Ўзбекистон Республикасининг Конституцияси қабул қилиниши ва бошқа тадбирлар муносабати билан истиқлол йилларида жами 24 та амнистия тўғрисидаги фармон ва қарорлар эълон қилинди. Ушбу сиёсий-ҳуқуқий актларга мувофиқ озодликдан маҳрум қилиш жазосини ўташ жойларидаги маҳкумлар озод этилгани ва айримларининг ўталмай қолган жазо муддатларининг ... Батафсил »

2013 йил 12 ноябрда “Ўзбекистон Республикасида чакана савдо қоидаларига қўшимча ва ўзгартириш киритиш тўғрисида”ги Вазирлар Маҳкамасининг Қарори қабул қилинди. Мазкур Қарордан мақсад сирка кислотасини чакана сотиш ва истеъмол қилишда хавфсизлик талабларини таъминлаш, фуқароларнинг соғлиғини муҳофаза қилиш эканлиги таъқидланган. Унга кўра Вазирлар Маҳкамасининг 2003 йил 13 февралдаги 75-сон қарори билан тасдиқланган Ўзбекистон Республикасида чакана савдо қоидаларига қўшимча ва ўзгартириш киритилди. Аниқроқ тўхталадаиган бўлсак, қуйидаги мазмундаги янги банд қўшилди: 47-1. Озиқ-овқат маҳсулотларига қўшиладиган 10 фоиздан ортиқ концентрацияли сирка кислотасини чакана савдода сотишга ... Батафсил »

2013 йил 12 октябрь куни “Банкларни рўйхатга олиш ва улар фаолиятини лицензиялаш тартиби тўғрисидаги низомга ўзгартириш ва қўшимчалар киритиш ҳақида”ги Ўзбекистон Республикаси Марказий банки Бошқарувининг Қарори қабул қилинди. Мазкур қарор Марказий банк раиси Ф.Муллажонов томонидан имзоланди. Мазкур Қарорга кўра, Банкларни рўйхатга олиш ва улар фаолиятини лицензиялаш тартиби тўғрисидаги Низомга бир қатор ўзгартиришлар киритилди. Хусусан, “хусусий тижорат банки” атамаси Низомдан чиқариб ташланди. Энди ушбу атама “хусусий банк” атамаси билан алмаштирилди. Шунингдек, банк ўз устав капиталини қонун ҳужжатларига мувофиқ шакллантира олмаслиги сабабли, ... Батафсил »