Тадбиркорлар ва ишбилармонлар ҳаракати — Ўзбекистон Либерал-демократик партияси Сиёсий Кенгаши Ижроия қўмитаси “XXI asr” ижтимоий-сиёсий газетаси таҳририяти билан ҳамкорликда мамлакатимиз мустақиллигининг йигирма уч йиллиги муносабати билан “Ягонасан, муқаддас Ватаним, севги ва садоқатим сенга бахшида, гўзал Ўзбекистоним!” шиори остида мамлакатимизда истиқлол йилларида амалга оширилган кичик бизнес ва хусусий тадбиркорликни ривожлантириш, фермерлик ҳаракатини янада такомиллиштириш, мулкдорлар қатламини қўллаб-қувватлаш, иқтисодиётни либераллаштириш ва модернизациялаш борасидаги изчил ислоҳотларнинг самараларини ёритишга бағишланган “Ким эдигу ким бўлдик?”мавзусидаги ихчам ва содда тилда ёзилган таҳлилий мақолалар кўрик-танловини эълон қилди. Бу ҳақида партиянинг расмий сайтида хабар берилган.
Танлов шарти: Мақолалар матни 3-4 бет ҳажмда электрон ва босма нусхада жўнатилиши лозим. Мақола матни Microsoft Word (Word-2003) дастурида (Word-2007, 2010дан ташқари) Times New Roman (ўзбек тилида), шрифти 14 кегель катталигида; 1,5 интервалда, чапдан 30 мм, ўнгдан 15 мм, юқоридан ва пастдан 2 мм жой қолдирилган ҳолатда расмийлаштирилиши лозим; мақола мавзуси бош ҳарфларда кўрсатилади, ундан кейин муаллифнинг Ф.И.О, илмий даражаси ва унвони, иш жойининг тўлиқ номи кўрсатилади, ундан сўнг матн келтирилади ва мақола илмий, техник ва стилистик таҳрир қилинган бўлиши лозим ҳамда 2014 йил 1 августидан 1 ноябрь кунига қадар бўлган даврда “XXI asr” ижтимоий-сиёсий газетаси ва Ўзбекистон Либерал-демократик партиясининг расмий веб-сайти ҳисобланган www.uzlidep.uz да эълон қилиниши зарур.
Кўрик-танлов ғолиблари қуйидаги мукофотлар билан тақдирланади:
Биринчи ўрин:
1-ўрин – I даражали диплом – телевизор
1-ўрин – II даражали диплом – қўл телефони
1-ўрин – III даражали диплом – қўл телефони
Иккинчи ўрин:
2-ўрин – I даражали диплом – микротўлқинли печь
2-ўрин – II даражали диплом – қўл телефони
2-ўрин – III даражали диплом – қўл телефони
Учинчи ўрин:
3-ўрин – I даражали диплом – қўл телефони
3-ўрин – II даражали диплом – қўл телефони
3-ўрин – III даражали диплом – қўл телефони
2014 йил ноябрь ойининг биринчи ўн кунлигида танлов ғолибларни тантанали тақдирлаш маросими O`zLiDeP Сиёсий Кенгаши Ижроия қўмитаси томонидан ўтказилади.
Мазкур кўрик-танловда иштирок этишни истаганлар ўзларининг ижодий ишларини электрон ва ёзма шаклда қуйидаги манзилга 2014 йилнинг 1 ноябрь кунига қадар тақдим этишлари керак:
Тошкент шаҳри, Миробод тумани, Нукус кўчаси 73А уй, “XXI asr” ижтимоий-сиёсий газетаси таҳририяти.
Мурожаат учун:
Телефонлар: 215-63-80, 255-46-23;
Электрон почталар: xxi_asr@mail.ru ва web-sayt-2013@mail.ru
